話說診所近遊行集會嘅其中一區。下午傳來已經發放左催淚彈嘅相片。嗱嗱臨打俾經理話我地想撤退。長話短說，經理同老細喺千不願萬不願嘅情況底下俾我哋走咗。其實都只不過係早一個鐘頭收鋪。我要車姑娘們走因為已經開始封路，佢哋冇車搭走。
最搞笑係第二日經理類似秋後算帳，搵姑娘2發脾氣。雞蛋裏挑骨頭，話我地臨走手寫貼喺門口個Notice寫得唔好。又話點解唔先send俾佢哋，批准左先至再貼喺門口？Sor9ry，你覺得我有咁多時間去等你咩？有咁難咩寫個Notice？仲要係個Notice係 我．寫．嘅！！！！！姑娘們慌忙換衫嘅時候，我爭取時間幫佢哋寫。我啲中文係咁上下㗎啦，吹呀？咁叻你自己過嚟寫！Approve乜L嘢呀？？！？？
由於公司咁無良/小氣/孤寒，嚟緊又話有遊行，我忍唔住抄咗連登仔嘅template，問老細根據勞工法例，佢點樣Make sure員工喺安全嘅工作底下返工？有乜嘢Contingency Plan？
當然老細梗係Hea答我。仲要話集會地點可能係謠言，話到時先算等等。到時我比個皇帝你做好唔好？新聞都有講人哋嗰度申請不反對通知書，仲係謠言咩? 就算未confirm，我都有權知道你有乜Plan。
又同姑娘2講有必要可以叫醫生車你地走。我架車唔係公司車，你又知我日日揸車？我嗰日咁啱攞架車去整唔俾呀？我唔係奉旨幫老闆你去確定你嘅員工能夠安全地離開一個危險嘅工作環境。仲要唔係你親口問我，面皮厚到一點！
冇人想發生啲咩事，但係你搞到好似我哋想佔你便宜，淨係想閂鋪唔做嘢。一下子辣慶晒全診所嘅人你好嘢！！！！！你好關心我哋員工囉！當公司聖誕大抽奬夠膽死送Tempo紙巾嘅時候，我明你啲質素都係咁上下。我哋幫你打天下，你就由我地自生自滅！！有冇勞工處大神可以話俾我聽我可以告我老細？
😡😡😡😡😡🤬🤬🤬🤬🤬
老細， you can kiss my (beautiful dog’s) f-ing ass!
Search